ગુજરાતી શેર-શાયરી

Text of this post in English

• પ્રિતને મારી દિલમાં જ રાખું છું,
  આંસુને નયનથી દુર રાખું છું,
  બેવફા આ જગમાં વફાદારી રાખું છું,
  મને ભુલી જનારાને પણ હું હંમેશા યાદ રાખું છું.




• ઓરડામાં એક ચિત્ર હોય તો પુરતું છે,
  જીવનમાં એક મસ્ત મિત્ર હોય તો પુરતું છે,
  મિલાવેલો હાથ ભલે હોય સાવ મેલો,
  દિલથી પ્રેમ પવિત્ર હોય તો પુરતું છે.




• ઈર્ષા થઈ હતી મને મારા જન્મ સમયે,
  રડતો હતો હું ને હસતી હતી દુનિયા,
  બદલો લઈશ ચોક્કસ મારા મૃત્યુ સમયે,
  હસતો જઈશ હું ને રડતી હશે દુનિયા.




• સમજાતું નથી એજ કે શું ગમે છે,
  ખુશી ગમે છે કે ગમ ગમે છે,
  પણ એક વાત તો ચોક્કસ છે દોસ્ત,
  કે તારા સાથની હર એક પળ મને ગમે છે.




• સાગરને કિનારે બેસી કોઈ રડતું હશે,
  તમને યાદ કરીને કોઈ હસતું હશે,
  જરા તમારા દિલ પર હાથ રાખી વિચારી તો જુઓ,
  તમારા માટે પણ કોઈ જીંદગી જીવતું હશે.




• હંમેશા મજાકમાં થોડી સચ્ચાઈ હોય છે,
  ખાલી ખાલી પુછવામાં પણ જાણવાની ઈચ્છા હોય છે,
  બેખબરને પણ થોડી ખબર હોય છે,
  ને 'I don't care' માં પણ થોડી CARE હોય છેૈ.




• વહેલી સવારની ગુલાબી ઠંડીમાં ફુલોની રંગોળી સુશોભીત થઈ,
  ઉઘાડી આંખો ને યાદ કર્યા તમને તો દિવસની શરૂઆત અલૌકિક થઈ.




• સંબંધની ધરતી પર જ્યારે વિશ્વાસ વરસે છે,
  ત્યારે જ એમાંથી સ્નેહની સોડમ પ્રસરે છે,
  અપેક્ષાની આગ જ્યાં વધારે હોય છે,
  એ વ્યક્તિ પ્રેમના વરસાદ માટે તરસે છે.




• જીંદગી મળવી એ નસીબની વાૉત છે,
  મૃત્યુ મળવું એ સમયની વાત છે,
  પણ મૃત્યુ પછી પણ કોઈના હદયમાં જીવતા રહેવું,
  એ જીંદગીમાં કરેલા કર્મોની વાત છે.




• સમજ્યા વગર કોઈને પસંદ ના કરતા,
  નાસમજમાં કોઈને ગુમાવી પણ ના દેતા,
  ગુસ્સો શબ્દમાં હોય છે દિલમાં નહીં,
  એમાં સંબંધ ઉપર જ પુર્ણવિરામ ના મુકી દેતા.